Gazeta RD
Miliarderi Elon Musk deklaroi të martën se George Soros e urren njerëzimin. Gjatë një interviste me Joe Rogan, shefi i X tha se e bleu këtë rrjet social për shkak se ndjeu se ai po përdorej nga e majta për të pasur një efekt shkatërrues mbi qytetërimin.
Musk foli për një virus mendor të të majtës që është shumë i rrezikshëm për botën.
Duke folur për Sorosin, ai tha: “Për mendimin tim, ai e urren në thelb njerëzimin”.
Musk tha se Soros po e gërryen strukturën e qytetërimit, duke zgjedhur prokurorë që refuzojnë të luftojnë krimin.
Miliarderi theksoi se Soros po e shkatërron njerëzimin duke ndërhyrë dhe duke manipuluar proceset zgjedhore.
I pyetur nëse e bën këtë gjë vetëm në SHBA, Musk tha se kjo ndodh në mbarë botën.
“Ai po i lëviz gjërat edhe në vendet e tjera,” tha Musk.
Miliarderi theksoi se Soros ndërhyn në proceset zgjedhore të të gjitha niveleve, që nga zgjedhja e presidentit të SHBA e deri te përcaktimi i zyrtarëve vendorë.
