Gazeta RD
Kryetari i PD, Sali Berisha tha se, dërgimi i SKAP-it në parlament vërteton se, kjo është organizatë kriminale e drejtuar nga Rama. Berisha tha në një prononcim për mediat tek kryesia e Kuvendit se do të ketë një përgjigje mbarëpopullore, një reagim mbarëpopullor do jetë finalizimi i kësaj përpjekje.
“Kanë dërguar SKAP-in, kur unë u thoja ju SKAP-i, ju habiteshit, nuk e pëlqenit këtë term.
Harronit faktin se unë jam ish-president, ish-kryeministër dhe gjëja e fundit që mund të thoja është kjo. Por a e dini ju se sot SKAP-i është në parlament, që nuk ka asnjë vepër penale.
SKAP-i, një organizatë e vërtetë kriminale që komandohet nga Edi Rama, është sot në sallën e parlamentit. A ndodhi një krim për SKAP-in aty, më thoni, pyesni? Duke dëshmuar se është një vegël e verbër e Edi Ramës.
Sidoqoftë, ju garantoj se këtë betejë pa kthim nuk mund të ndalojë gjer në rikthimin e plotë të të drejtave kushtetuese të deputetëve në parlament.
Ftoj popullin opozitar ta ndjekë këtë betejë. Natyrisht deputetët janë të lidhur pazgjidhshmërisht me popullin opozitar dhe jam i bindur se në momentin e dhënë, një përgjigje mbarëpopullore, një reagim mbarëpopullor do jetë finalizimi i kësaj përpjekje”, tha Berisha.
