Zhgënjim!

Nga Alba KEPI

“Tirana qytet i bukur?'”

“Tirana qytet i sigurt?!”

“Tirana e bukur, mikëpret që tani gati 1 mijë studentë universitar italianë që zgjedhin Tiranën, sepse është një qytet i bukur, i sigurtë dhe ofron një shërbim mjaft të mirë, një mijë studentëve universitar italianë.

…Gati jam si një ‘Qytetar i Nderi’ i këtij shteti, me të cilin ndihem shumë i lidhur….

Më shumë se 60 mijë studentë shqiptarë, studiojnë gjuhën Italiane. Është një shifër mjaft e bukur dhe domethënëse për ne, sepse na tregon se kjo marrëdhënie mjaft e bukur dhe e rëndësishme i ka rrënjët thellë në histori, dhe nga ana tjetër shikon drejt të ardhmes”, deklaroi deputeti italian i Forza Italia dje në Kuvendin e Partisë Demokratike.

E zhgënjyer nga fjala e deputetit italian që dëshmon se interesa egoiste e hipokriza e një sjellje për ta mbajtur mirë me të gjithë shembin cdo shpresë e ideal demokratik.

Në fakt nuk kisha pritje tjetër kur ndêrmjetësit kanë hundët më shumë tek e majta!

Tirana është një kantier i zi pislliku e pasigurie, krimi ekonomik e kërcënimi për vlerat e moralin e një qytetari të lirë.

Tirana është gropë e minierë për trafiqet ilegale e korrupsionin që grabit pasurinë kombëtare e pronën private.

Tiranën e kanë kthyer në vendin e censurës e mohimit të cdo vlere qytetarie.

Studentët italianë vijnë të studiojnë në Tiranë se nuk kanë këllqe të fitojnë pikët për të studiuar në Universitetet italiane e sipërmarrësit italianë vijnë në Shqipëri për të shfrytëzuar sistemin fiskal e krahun e lirë e të pa mbrojtur të punës.

Studentët shqiptarë ikin nga ky vend e studiojnë në Itali se këtu nuk ka shpresë o Onorevole!

Prisnim të vërteta mbi mafien që po ndyn këtë vend e si Kryetar i një Komisioni sigurie që drejtoni, por na treguat lulëzimin ekonomik të një vend ku sundon ekonomia informale .

Ndoshta nuk iu kanë lënë të fusni duart në xhep o Onorevole por sapo zbret në Rinas ke një kioskë ku shkruan Change e aty euron e ndërron me lekun e Superfuqishëm!

Prisnim një manifest lirie e mesazh demokracie na sollët hipokrizinë e kolltukut tuaj e të interesave të atyre që ju ndërmjetësuan!

“Tirana qytet i bukur?'”

“Tirana qytet i sigurt?!”

Tirana ku të dhënat e sëmundjeve të pashërueshme, ajrit të ndotur, ushqimeve të pa kontrolluara e pa standarte, fëmijëve të pastrehë, të moshuarve pa të ardhura, invalidëve pa mbrojtje, plehrave pa impiante është i frikshëm!

Nuk kemi nevojë për formë por për përmbajtje e ky është një nga gabimet pse kemi mbërrit këtu e dashur Argita.

Gabuam duke i besuar të pabesëve.

Zhgënjim!

(Por e kisha parashikuar dhe sinjalizuar këtë formalitet pa përmbajtje alla italiana).