MOSCOW, RUSSIA - FEBRUARY 26, 2020: Albania s Prime Minister Edi Rama L and Russia s Foreign Minister Sergei Lavrov at a press conference following their meeting at the Reception House. Sergei Savostyanov/TASS PUBLICATIONxINxGERxAUTxONLY TS0CFC9B

Vendimi i Putin si ai i Ramës, nuk do asnjë opozitar në zgjedhje

Ashtu sikurse Rama la në zgjedhjet e majit pa simbolet e saj legjitime Partinë Demokratike, Putin përmes Gjykatës së Lartë ka eleminuar çdo kundërshtar në zgjedhje.

Gjykata e Lartë e Rusisë mbajti në fuqi vendimin për të ndaluar kandidimin në zgjedhjet presidenciale të marsit të 2024 për ish gazetaren Yekaterina Duntsova, e cila është kundër luftës në Ukrainë. Njoftimin mbi vendimin e gjykatës e bëri vetë zonja Duntsova të mërkurën.

Anëtarët e komisionit qendror të zgjedhjeve votuan njëzëri për të mos pranuar kandidaturën e zonjës Duntsova, duke përmendur një “numër shkeljesh” në dokumentet, që ajo kishte dorëzuar për të kandiduar në zgjedhjet presidenciale të marsit të vitit të ardhshëm.

Në një postim në platformën Telegram, zonja Duntsova konfirmoi se apeli i saj kundër vendimit ishte hedhur poshtë nga Gjykata e Lartë.

Ajo tha se tani planifikon të formojë një parti politike për njerëzit që duan “paqe, liri dhe demokraci”, që sipas ish gazetares Duntsova, përfaqësojnë miliona rusë, zëri i të cilëve nuk po përfaqësohet.

Yekaterina Duntsova, e cila nuk njihet mirë në Rusi, gjë që e ka pranuar edhe vetë, por që ka një grup të fortë mbështetësish prej mijëra njerëzish në vendin me 140 milionë banorë, i ka thënë më parë agjencisë së lajmeve Reuters se ajo është përjashtuar në mënyrë të padrejtë nga gara për president të vendit.

Komisioni Qendror i Zgjedhjeve tha se vendimet e tij janë të bazuara në rregullat në fuqi dhe se përgjegjësia e tij është të garantojë respektimin e këtyre rregullave nga të gjithë ata që duan të bëhen kandidatë për president.

Presidenti aktual Vladimir Putin, i cili ka qenë në pushtet si president apo kryeministër për më shumë se 20 vjet dhe nuk përballet me konkurrencë serioze, pritet të fitojë me lehtësi një mandat tjetër gjashtë vjeçar në muajin mars.

Kremlini përmend sondazhet, të cilat i japin 71 vjeçarit Vladimir Putin 80 për qind mbështetje për punën e tij si president i vendit dhe thotë se shumica e rusëve mbështesin luftën në Ukrainë, që Moska e quan si “Operacion Special Ushtarak”.

About Redaksia

Check Also

Mediat botërore nxjerrin foton: Djali i Vuçiç i përfshirë në skenën e huliganëve kriminalë para ndeshjes Serbi-Angli

Djali i presidentit të Serbisë, Danilo Vuçiç, ndodhet në Gjermani për Kampionatin Evropian dhe aty, …