Takimi/ Nesër krijohet Koalicioni i Opozitës së Bashkuar

Ditën e nesërme Gazment Bardhi dhe Flamur Noka do të zhvillojnë një takim me partitë e vogla opozitare. Mbledhja pritet të mbahet në orën 12:00, me synim krijimin e Koalicionit të Opozitës së Bashkuar.

Kujtojmë se Bardhi dhe Noka nisën nga Shkodra me takimet me bazën për të organizuar protestën e 20 shkurtit.

Në një deklaratë për mediat, teksa theksonin se opozita tashmë është e bashkuar, pohuan se Shkodra u zgjodh si simbolikë, pasi nga ky qytet kanë nisur të gjitha revoltat.

Njoftimi

Nesër e premte, ora 12:00, në sallën “Antigonea”, Hotel Rogner, do të zhvillohet takimi i partive politike të opozitës, për krijimin e Koalicionit të Opozitës së Bashkuar.

Takimi në pjesën e parë do të jetë i hapur për mediat.

Ju falenderoj!