Gazeta RD
Avakati Genc Gjokutaj, ka komentuar këtë të shtunë rastin e liderit opozitar, Sali Berisha, dhe vendimin e Gjykatës që rrëzoi kërkesën e tij për të marrë pjesë në cilësinë e deputetit të Kuvendit në seancat plenare.
I ftuar në Edicionin e Pasdites në Syri Tv, Gjokutaj u shpreh ndër të tjera se Gjykatësi i vërtetë i kësaj çështjeje është Edi Rama.
“Problemi është që ky vendim që rrëzon kërkesën e zotit Berisha për të marrë pjesë në cilësinë e deputetit të Kuvendit në seancat plenare duhet të na ishte komunikuar së pari zotit Berisha, dhe mbrojtjes së tij, për shkak se marrja e këtij vendimi lidhet me afatet procedurale në tërësi të këtij objekti gjykimi por lidhet dhe me institutin e ankimit, ndërkohë që ky vendim u bë i ditur nga mediat pranë pushtetit.
Që ta zbulojmë se çfarë ka ndodhur.
Argumenti është ky, që nësë vendimi do ishte vendim i asaj gjykate, vullnet dhe bindje e brendshme në provat e asaj gjykate, vendimi do të ishte sot i zbardhur dhe do ishte në duart tona për të përgatitur sigurisht kundërshtitë tonë për Gjykatën e Apelit.
Por, një vendim i cili është shkruar jashtë asaj gjykate duke ndërhyrë dhe materialisht, ajo gjyqtare nuk është në gjendje të formulojë atë tekst dhe atë praktikë gjyqësore denigruese që ka përdorur në rastin e përfaqsimit, e vajtjes se zotit Berisha në Kuvend.
Pra rezultonte se gjykatësi i vërtetë i kësaj çështjeje është Edi Rama i cili tashmë paska marrë edhe rolin e sekretarisë gjyqesore, dhe ai vendos, formën , kohën se kur do të shkojë ky vendim , ku do të shkojë së pari ky vendim.
Dhe unë jam krejt i bindur se në këto moment që po flasim vendimi është i pa firmosur nga gjyqtarja për shkak dhe të trafikut të bllokuar do ketë një rrugë deri sa të mbërrijë në Gjykatë”, tha Gjokutaj.
