“Një dramë që do promovonte edhe budallain e fshatit ”…

Nga Alba KEPI

Pasionant-Influenceri i privatëve!

Po e nis aty ku e le Kryeministër, ndërsa kujtoni Eco-n.

E pra Edi pasionant, sic shkruan ballina e kësaj reviste që ju po na këshilloni ta blejmë, Umberto Eco ka thënë dhe se “webi, është një dramë, e do promovonte dhe budallain e fshatit si mbajtës të së vërtetës”.

Ju si kreu i një qeverie paguar cdo ditë nga populli, promovoni një media private në profilin e juaj zyrtar institucional.

E ju kujtoj se dhe ata që kujdesen për rrjetet e juaja sociale zyrtare, paguhen jo nga një media private, por nga para publike të shqiptarëve.

“Shumëçka” për cfarë shkruan e që më kujton sa keq e shkruan dhe e shpreh shqipen, janë si ato “piçëkat” e hartës së investitorëve strategjikë, “euroçkat”, “skandalçkat”, “dosjatçkat”, “plehraçkat”, “Toyotçkat”, “drejtësiçkat” që ju e qeverisja juaj është përfshirë prej 3 mandatesh.

E bukur është media e shkruar por fatkeqësisht në libraritë e Tiranës e Shqipërisë ku dikur mbahej rrallë për të blerë gazetat, sot shiten patatina e fjalëkryqe.

Me fat gazetarja botuese që ligji i qeverisjes suaj e lejon të jetë në drejtimin e një Federate Sportive Kombëtare, por dhe botuese e gazetare.

E ju në konflikt të hapur interesi, promovoni daljen në treg të një media private, kur institucionalisht vëmendje e promovim duhet t’i jepni TV Publik Shqiptar, ATSH, Agjensive Kombëtare të informacionit prej dekade në apati suksesi e referimi për shqiptarët.

Media është pushtet i katêrt i një shteti pas Atij ekzekutiv, legislativ e gjyqësor por vetëm në Shqipëri ndodh që pushteti ekzekutiv i Kryeministri të vishet si influencer web i një produkti të ri privat mediatik.

Si kreu i një qeverie paguar cdo ditë nga shqiptarët, promovoni një media private e jo pa qëllim pêrdor me egon diabolike datën 20 shkurt.

“Në prag të datës 20 shkurt…” , “sa bukur” shkruani duke kënaqur sedrën që nuk po e mbyt dot preokupimin e kësaj dite.

Do jetë një ditë e bukur EDI pasionant!

Një ditë e bukur për ndryshim e jo me faqe reviste, as me internet, e rrjete sociale, por me shqiptarë të vërtetë, pasuri e Shqipërisë sonë të mrekullueshme.

Pasioni jonë është drejtësia, ligji, flamuri, liria, e drejta!

Nuk kemi nevojë për ballina.

20 shkurti do jetë një ditë e bukur si 33 vite më parë kur rrugët e Tirabës u mbushën me shqiptarë që tërhiqnin zvarrë një diktator!

20 shkurti do jetë një ditë pasioni për anti diktatorët e për një media të lirë private e publike!

About Redaksia

Check Also

Që të mos jemi hipokrit me veten, debitor me historinë dhe hileqar me Zotin

  Alfons Grishaj Largimi në jetën tjetër të personaliteteve politike, shkencore, letrare artistike etj shoqërohet …