Deputeti i Partisë Demokratike, Bujar Leskaj së bashku me kryetarin e PD dega Vlorë, Atird Hoxha si dhe drejtues të tjerë të degës së PD Vlorë, zhvilluan takim organizativ me strukturat e Partisë në lidhje me protestën e datës 20 shkurt.
Kryefjala e takimit me strukturat e Partisë Demokratike Vlorë ishte pjesëmarrja në protestën e datës 20 shkurt, protestë e thirrur nga Partia Demokratike dhe forcat e faktorët e tjerë opozitar.
Në fjalën e tij deputeti Leskaj thekson detyrimin dhe obligimin që të gjithë anëtarët e simpatizantët e Partisë Demokratike kanë për pjesëmarrjen në këtë protestë në respekt të atyre martirëve të demokracisë përgjatë viteve 1943-1990 e themeluesve të Partisë Demokratike në qendër e Vlorë, përgjatë viteve ‘90-‘91.
Gjithashtu Leskaj theksoi dhjetra arsye përse duhet të protestojmë në datën 20 shkurt, ku në themel të çdo arsye qëndron korrupsioni dhe politikat shpopulluese të sektit Rama.