Gazeta RD
Një atentat me armë zjarri ka ndodhur mbrëmjen e kaluar në Memaliaj. Shënjestra ka qënë avokati Andrea Zotaj pjesë e Dhomës së Avokatisë së Gjirokastrës.
Ngjarja ka ndodhur në rrugën e vjetër të fshatit Qesarat teksa avokat Zotaj i shoqëruar nga nipi i tij ishin duke shkuar në zone me autoveturen e tyre. Ndërsa, sipas burimeve policore, u kishte zënë pritë Fatos Lamaj 36 vjeç nga fshati Anë Vjosë Njesia Administrative Qesarat Bashkia Memaliaj.
Sipas avokatit Zotaj, Lamaj i kishte zënë pritë për t’a egzekutuar por fati ka qenë me avokatin i cili përmes një manovrimi të rrezikshëm të automjetit që drejtonte arriti t’i shmangej goditjeve të plumbave të shkrehura nga ana e agresorit Lamaj.
Avokati Zotaj është shprehur se ngjarja ka qenë për shkak të detyrës pasi 2 netë më parë agresori ishte kapur nga policia dhe ishte mbajtur 1 ditë në paraburgim duke e liruar më pas, për shkak të një konflikti me një të afërmin e tij. Pasi kishte dalë nga paraburgimi, Lamaj rrëmbeu automatikun duke i zëne pritë avokatit.
Pasi i ka shpetuar egzekutimit, avokati Zotaj ka denoncuar në Stacionin Policor ngjarjen e më pas grupi hetimor ka shkuar në vendngjarje ku ka gjetur gezhojat e shkrehura nga kallashnikovi e më pas ka bërë të mundur arrestimin e agresorit Lamaj.
