Gazeta RD
Komisioni i Ligjeve është mbledhur për të diskutuar mbi ligjin ‘Për karrierën ushtarake në Forcat e Armatosura të Republikës së Shqipërisë’, ku opozita ka deklaruar votën e saj kundër.
Kryetari i Grupit Parlamentar të PD, Gazment Bardhi, argumentoi se vota kundër e opozitës vjen pasi ky ligj nuk garanton ata të cilë kanë bërë karrierë me ndershmëri, pasi i vetmi kriter për karrierë në Forcat e Armatosura, ka qënë vetëm firmosja e ndonjë prone për oligarkët.
“I vetmi kriter për të bërë karrierë në Forcat e Armatosura ështe firma për të tjetërsuar pronat. Ata që firmosen për oligarkët, i bëtë gjeneralë e një prej tyre e çuat në presidencë.
Ne do ta votojmë kundër këtë ligj, sepse nuk garanton që ata të cilë kanë bërë karrierë me ndershmëri. I vetmi kriter për karrierë në Forcat e Armatosura, ka qenë vetëm firmosja e ndonjë prone për oligarkët. E kemi parë çfarë ka ndodhur, gradat dhe pozicionet i kanë marrë ata qeë kanë firmosur prona, i keni bërë gjeneralë e ndonjë prej tyre e keni çuar edhe në presidencë. Pra, ky ligj vetëm për këtë bëhet.
Ne nuk mund të rrimë pa shprehur shqetësimin, kur shikojmë se në zonat e Forcave të Armatosura mbillen sipërfaqe të tëra me lëndë narkotike. Vlerësojmë çdo oficer karriere, çdo person që ka kontribuar, por s’mund të heshtim për politizimin që keni bërë”, tha Bardhi.
