Berisha: Jehona ndërkombëtare e betejës tuaj pa kthim është një arritje e madhe e demokracisë

Lideri i opozitës, Sali Berisha, në fjalën e mbajtur në ditën e 102 të tubimit qytetar që mbahet në atë që njihet tashmë si rruga e “Shpresës” tha se jehona ndërkombëtare e betejës tuaj pa kthim është një arritje e madhe e demokracisë shqiptare.

“Mirëmbrëma dhe përshëndetjet më të përzemërta, ju fitimtarëve të vërtetë.

Ju çlirimtarëve të kryeqytetit, të kombit dhe të vendit!

Misionarëve të betejave pa kthim, mosbindjes civile.

Ju mblidheni sonte këtu pasi ia dolët në një kohë rekord t’i tregoni Europës dhe botës fytyrën e Erion Velisë, bandës së tij me 12 hajdutë në bashki.

Arritët t’i faktonit shqiptarëve dhe botës se kreu i Bashkisë së Tiranës nuk është gjë tjetër vetëm një hajdut i shpërfytyruar i një bande që vjedh 100 përqind paratë e taksapaguesve shqiptarë në tendera dhe prokurime.

Miqtë e mi, jehona e qëndresës, e betejës tuaj pa kthim, është një arritje e madhe e demokracisë shqiptare.

Është një arritje e madhe e shpirtit evropian të qytetarëve shqiptarë.

Është dëshmi më e bukur, më madhështore e reagimit, e zemërimit, e revoltës të qytetarëve europianë.

Të qytetarëve me ideale të larta.

Me betejën tuaj që tronditni themelet e diktaturës të bazuar në vjedhjen, krimin, drogën, ju jeni bërë ndërgjegjja e kombit.

Jeni bërë ndërgjegjja demokratike e shqiptarëve.

Jeni bërë zëdhënësit më të shkëlqyer, më besnikë të idealeve të tyre demokratike.

Të interesave të tyre qytetare fisnike.

Të mbrojtjes së tyre.

Të dinjitetit të tyre”, tha Berisha.

About Redaksia

Check Also

Begaj dhe Balla sajojnë vizita shtetërore në Gjermani, dy bileta për Hamburg

Golat e kombëtares këtë europian në Gjermani janë nga ato ngjarje që kur të kujtohen …