Këshilltarët e bashkisë thirrje Tonin Vocajt: Hiqni zinxhirët! Na lejoni të hyjmë në zyrat tona!

Këshilltarët e opozitës i kanë bërë thirrje Policisë së Shtetit që të hapë dyert e bashkisë dhe t’i lejojë ata të hyjnë në zyrat e Këshillit Bashkiak të Tiranës, si të zgjedhur të qytetarëve që janë.

“I paskeni vënë zinxhirë edhe kësaj derës këtu, dëgjohet ndër të tjerë, zëri i këshilltarit Dorjan Teliti.

“Bashkia e Tiranës sot është e rrethuar nga zinxhirët e korrupsionit. Na jepni arsye pse nuk na lejoni të futemi brenda. është e papranueshme dhe e patolerueshme që neve, këshilltarëve të zgjedhur në orarin zyrtar të na mohohet e drejta të futemi në ambientet tona të Këshillit Bashkiak për të ushtruar detyrën tonë dhe takuar qytetarët për shqetësimet që kanë.

I bëj thirrje, Drejtorit të Policisë së Tiranës, z. Vocaj, ju lutem afrohuni na jepni arsyen zyrtare pse nuk na lejoni të futemi në ambientet e Këshillit Bashkiak. Jeni duke konsumuar një vepër penale.

Deri ditën që Erion Veliaj do të japë dorëheqjen, e cila është shumë e afërt, ai ka të drejtë të futet në zyrën e tij dhe ne këshilltarët nuk kemi të drejtë të futemi në zyrat tona?! Nuk mund askush të na pengojë të ushtrojmë detyrën tonë si të zgjedhur vendorë”, tha Teliti.

About Redaksia

Check Also

Berisha: Beleri refuzoi të kandidojë për Edi Ramën, nuk pranoi të bënte pis duart për mafien e tij

Kryetari i PD, Sali Berisha ka denoncuar ftesën e Edi Ramës për Fredi Belerin që …