Kalaja: Policia po i shërben përfaqësuesit të mafias Taulant Balla! Protesta e radhës të martën ora 11:00

Përfaqësuesja e Aleancës për Mbrojtjen e Teatrit, Adriana Kalaja i ka bërë thirrje Policisë së Shtetit që të mos i shërbejnë përfaqësuesit të mafias Taulant Ballës.

Avokatja Kalaja iu drejtua punonjësve të policisë se, po i shërbeni përfaqësuesit të mafias Taulant Ballës, nuk i shërbeni ligjit nuk i shërbeni Kushtetutës.

Gjithashtu Kalaja ka njoftuar se, protesta e radhës do të mbahet të martën e ardhshme në orën 11:00 para Bashkisë Tiranë, ku qytetarët do kërkojnë sërish largimin e kryebashkiakut Erion Veliaj.

“Ju vini këtu sepse shumica prej jush janë patronazhist. Vini këtu sepse shumica prej jush keni hall se në fund të muajit a e merrni apo jo rrogën, a do ju heqin apo jo, sepse nuk e keni fituar me meritë vendin e punës po i shërbeni përfaqësuesit të mafias Taulant Ballës, nuk i shërbeni ligjit nuk i shërbeni Kushtetutës.

Tentativa juaj për ti qëndruar përballë qytetarëve të Tiranës, tentativa juaj për të mos respektuar ligjet e këtij vendi ju bën bashkëfajtor ju bën të turpëroheni përpara vetës familjes dhe fëmijëve tuaj dhe mbi të gjitha përpara asaj uniforme”, tha Kalaja.

About Redaksia

Check Also

Meta: Dumani në shërbim skllavërues ndaj Ramës!

Presidenti i PL-së, Ilir Meta ka akuzuar drejtuesin e SPAK, Altin Dumani dhe prokurorët e …