Gazeta RD
Një ngjarje e rëndë ka ndodhur pak më parë në Fier, ku një efektiv i forcave Shqiponja, i cili ishte duke shkuar për të marrë shërbimin, është vrarë me armë zjarri.
Bëhet e ditur se, efektivi Novruz Cenalia, 28 vjeç, ka mbetur i vdekur nga plumbat.
Efektivi ka qenë i veshur me uniformë policie, ndërsa ngjarja ka ndodhur pranë Spitalit Memorial Fier. Autorët, mësohet të jenë larguar nga vendngjarja me një automjet në ngjyrë blu.
Bëhet e ditur se, efektivi i “Shqiponjave” u ekzekutua me plumb në kokë efektivi i policisë Novruz Cenalia nga 23-vjeçari Azgan Memlica.
Ndërkohë është gjetur makina e autorit të krimit të rëndë. Pas vrasjes së Cenalias, i riu e ka lënë makinën e tij tek të afërmit dhe më pas dyshohet se Azgan Memlica është arratisur nëpër ara.
