Hajdeni flasim seriozisht për “gjithëpërfshirjen” dhe “diskriminimin”!

Iva V.GRILLO

Mbreme pashe jo pa çudi pjesemarrjen e nje ish-eurodeputeti te politikes gjermane, zotit Elmar Brok, ne protesten e pernatshme qe organizohet prej ne mbeshtetje te liderit te arrestuar opozitar Berisha.

Them jo pa çudi, sepse per here te pare dhe ne menyre demonstrative kjo mbeshtetje nuk u dha nga larg, por nga afer, ne krah te liderit opozitar, ne ate dritare qe ne muajt e fundit eshte bere edhe dritarja nga mund te shihet stadi aktual i demokracise shqiptare: persekutimi i kujdo qe kundershton apo i behet pengese regjimit te Tiranes.

Per nga aksioni, mendoj se ai i zotit Brok ishte nje veprim qe vetem forca e dinjitetit t’a mundeson: te kesh guximin te kalosh “barriera” dhe te dalesh publikisht ne krah te vertetes, duke thyer makinacione e rregulla te stisura qe nuk kane asgje te perbashket me te drejten apo moralin.

Per nga mesazhi, mendoj se ishte riafirmimi i vlerave qe qendrojne ne zemer te Evropes si entitet: te drejtat e njeriut… askush nuk mund te mbahet i izoluar pa akuze, askujt nuk mund t’i ndalohet pa arsye te perfaqesoje ne parlament qytetaret nga te cilet ka marre mandatin.

Zoti Brok foli qarte e paekuivok, duke vene ne dukje diskriminimin dhe persekutimin e paster politik qe eshte i papranueshem dhe i denueshem ne cdo cep te Evropes se Bashkuar …deri edhe ne cepin e saj me te fundit.

E kunderta ndodh me burokratet e Delegacionit te Bashkimit Europian ne Shqiperi.

Ne javen e fundit publiku ka pasur rast te njihet me nje sere veprimtarish e mesazhesh mbi: “gjitheperfshirjen, pranimin e te ndryshmeve”, “mendjen e hapur” etj, tema te gjitha te mirepritura, por te konceptuara e trajtuara vertete ne menyre siperfaqesore.

Sepse ky insistimi i perditshem per “te gdhendur” shqiptaret, psh: “si te duam te tjeret qe jane ndryshe nga ne” apo “si te mos diskriminojme” ngjan shume fyes dhe paternalist, ne rastin me te mire… dhe shume manipulues ne shumicen e rasteve.

Shqiptaret mund te kene probleme me “gjitheperfshirjen” e “mendjen e hapur”, por trajtimi i ketyre temave njesoj si ne nje klase te edukates morale ne shkollat fillore, nuk besoj se eshte zgjidhja e problemit.

Perfaqesuesit e Komunitetit Europian ne Shqiperi do te ishin me te besueshem ne qofte se ata vete do te ishin aktive dhe refuzues te kultures se perjashtimit dhe anatemimit qe ka zene rrenje me fort se kurre ne shoqerine shqiptare ne 10 vjecarin e fundit…periudhe qe perket edhe me pjesemarrjen dhe nderhyrjen e tyre energjike ne politiken dhe shoqerine shqiptare.

Kontributi i tyre ne “gjitheperfshirje” e “mendje te hapur” do te ishte me i besueshem nese ata do t’a ngrinin zerin ne menyre po aq energjike kur perfaqesuesit e nje elektorati te tere (per me teper opozitar) anatemohen, persekutohen politikisht dhe izolohen pa akuza.

Perfaqesuesit e Komunitetit Europian ne Shqiperi do t’i merrnim dhe me seriozisht ne mesazhin e tyre kunder diskriminimit nese do te pozicionoheshin ne menyre energjike kunder atyre qe patronazhojne nje shoqeri te tere apo kur nje drejtor teatri ne nje qytet X te Shqiperise, detyrohet “te jape doreheqje” sepse nje dite me pare i ka shpetuar e verteta nga goja…per fatin e tij te keq.

Keto te gjitha jane elemente te vertete diskriminimi, anatemimi dhe si rezultat cedim i gjitheperfshirjes… Ne fakt keto jane çeshtje shume me konkrete sesa e keshillat e pergjithshme te ores se edukates morale te shkolles fillore.

Prandaj veprimi dhe mesazhi i djeshem i politikanit te vjeter Elmar Brok eshte shume me europian dhe vite drite larg fushatave propagandistike te burokrateve te rinj qe vijne me misionin per “te gdhendur” shqiptaret.

About Redaksia

Check Also

Flamuri erdhi në shtëpinë e tij, por kohën nuk ta kthen askush!

Fjoralba DIZDARI Lajm i shumëpritur jo vetëm për demokratët, por për demokracinë në Shqipëri, për …