Rama në Himarë: Ua keni dhënë vetë pronat investirorëve strategjikë, nuk ua kanë grabitur

Edi Rama u ka thënë banorëve të Himarës se ia keni dhënë vetë pronat investirorëve strategjikë, nuk ua kanë marrë, ndërkohë që kryebashkiaku i tij ndodhet në burg për grabitje dhe tjetërsim të pronave të himariotëve për llogari të Olta Xhaçkës,.

Gjatë vizitës këtë të premte me banorët e Himarës, ku ka shpërndarë tituj pronësie, Rama u ndal te problemet me pronat ku tha se asnjë oligark nuk ka marrë asnjë pronë pa miratimin e pronarëve.

Kështu Rama, pasi u grabiti pronat me investitorët e tij strategjikë, del dhe u thotë himariotëve se ia keni dhënë vetë.

“Janë bërë shumë paudhësi me AMTP, dhe kjo ka penguar edhe vetë regjistrimin e shtëpive të trashëguara të cilat kanë qenë aty dhe janë aty. Këtu pastaj është shtuar edhe një tjetër shtresë poshtërsie propagandistike, sikur kjo bëhet për t’i marrë pronat banorëve dhe trashëgimtarëve dhe për t’i dhënë të ashtëquajturëve oligarkë.

Ju e dini sepse jetoni këtu, që e para nuk ka asnjë metër katror nga Llogaraja deri në Ksamil, që të jetë marrë një pronari legjitim dhe t’i jetë dhënë dikujt tjetër nga shteti.

Por ka patjetër situata të rënda që janë zhvilluar në vitet para se në vinim ne në qeveri ku me AMTP është bërë një lojë e ndyrë, ku janë shfaqur si pronar individë të lidhur me pushtetin e atëhershëm që i kanë vënë trashëgimtarët para një zgjedhje që ose të shesin pronën e tyre, dhe që edhe po nuk e shite nuk ke për ta gëzuar etj.

Kush thotë që janë marrë pronat e himariotëve dhe i kanë kaluar dikujt tjetër pa miratimin, thotë një gënjeshtër shumë të madhe”, tha Rama.

About Redaksia

Check Also

Meta: Dumani në shërbim skllavërues ndaj Ramës!

Presidenti i PL-së, Ilir Meta ka akuzuar drejtuesin e SPAK, Altin Dumani dhe prokurorët e …