Stoltenberg i del në mbrojtje Ukrainës: Kievi ka të drejtë të godasë objektivat në Rusi

Nga Enton DOÇI, Lyon

“Rusia pushtoi Ukrainën në shkelje flagrante të ligjit ndërkombëtar dhe, sipas kësaj, ukrainasit kanë të drejtë të mbrohen. Kjo përfshin goditjen e objektivave legjitime ushtarake në Rusi”. Këtë e përsëriti Sekretari i Përgjithshëm i NATO-s, Jens Stoltenberg në një intervistë për gazetën spanjolle ‘La Vanguardia’.

“Nëse rusët kanë liri të plotë për të grumbulluar trupa dhe për të sulmuar nga territori i tyre, por ukrainasit nuk mund të përgjigjen, është shumë e vështirë të ushtrosh vetëmbrojtje”, shtoi ai.

Sekretari i Përgjithshëm i NATO-s nënvizoi gjithashtu se “disa aleatë në fakt nuk kanë vendosur kurrë kufizime, si Mbretëria e Bashkuar me raketa lundrimi, kështu që është diçka që tashmë po ndodh. Në një luftë nuk ka vendime që nuk sjellin rreziqe, por më e madhja nga të gjitha do të ishte që Vladimir Putin të mbizotëronte”.

***
Brenda natës, sistemet ruse të mbrojtjes ajrore shkatërruan tetë raketa taktike operacionale ATACMS mbi Detin Azov dhe kapën tetë dronë mbi Detin e Zi, në brigjet e gadishullit të Krimesë.

Lajmi është bërë i ditur nga Ministria ruse e Mbrojtjes.

Sipas agjencisë Tass, ka pasur “përpjekje të shumta të regjimit të Kievit për të kryer sulme terroriste duke përdorur raketa taktike-operative amerikane ATACMS, mjete ajrore pa pilotë të tipit aeronautik, që u ndaluan kundër objektivave në territorin rus. Raketat taktike të Federatës Ruse u shkatërruan nga sistemet e mbrojtjes ajrore në shërbim mbi Detin Azov dhe tetë dronë u kapën mbi Detin e Zi afër bregut të gadishullit të Krimesë”.

About Redaksia

Check Also

Mediat botërore nxjerrin foton: Djali i Vuçiç i përfshirë në skenën e huliganëve kriminalë para ndeshjes Serbi-Angli

Djali i presidentit të Serbisë, Danilo Vuçiç, ndodhet në Gjermani për Kampionatin Evropian dhe aty, …