Malltezi përgënjeshtron mediat e qeverisë: Tokën poshtë digës së liqenit e hoqi Rama (Dokumenti)

Drejtuesi i Departamentit të Mjedisit në Partinë Demokratike, Jamarbët Malltezi ka përgënjeshtruar mediat e Ramës, që ditën e sotme kanë shkruar se tokën poshtë digës së liqenit e ka hequr nga vija e parkut, Sali Berisha kur ishte kryeministër.

Malltezi ka nxjerrë dokumentin se, si Fatos Nano në 23 qershor 2004 kanë konfirmuar kërkesën e Edi Ramës për rivijëzimin e parkut të liqenit, duke hequr tokën poshtë digës nga kufizimi.

‘Lolo e mashtrues ka plot ky vend, por kur gënjejnë për interes të kryehajdutit Edi Rama, mediat e tij ju promovojnë gënjeshtrat.

Njëri që i ka ngel gishti tek butoni “Fajin e ka Saliu!” sot gënjente në lidhje më tokën poshtë digës së Liqenit, duke thënë se e kish heq Berisha nga Parku në 2010.

Në fakt ky Vendimi i KRTRSh tregon FAKTIN se e hoqi Edi Rama me vendimin e KRRT nr. 91 dt. 13.04.2004 e me pas KRRTRSH (Lamja dhe Nano) ia konfirmuan vijën e parkut me vendimin nr.4 date 23.06.2004.

Por as anti-opozitari e as mjero nuk e lexojnë dot këtë vendimin, e sidomos pjesët e nënvizuara.

Mos na lëntë Zoti pa palaço të pushtetit se nuk do njihnim dot personat që kanë dinjitet nga të tjerët’, shkruan Jamarbër Malltezi në postimin e tij në Facebook.

 

About Redaksia

Check Also

Berisha: Për aeroportin e Vlorës shqiptarët do paguajnë 300 mijë bileta në vit për pasagjerët që nuk vijnë

Kryetari i Partisë Demokratike, Sali Berisha, duke folur në tubimin qytetar, akuzoi Edi Ramën se …