Këlliçi: S’do të tërhiqemi nga protestat pa çuar në burg hajdutët!

Ish-kandidati i Bashkisë së Tiranës, Belind Këlliçi në një prononcim për News24 nga protesta e opozitës akuzoi policinë si gardiane të kryeministrit Rama.

Këlliçi tha mes të tjerash se opozita nuk do të tërhiqet nga protestat, deri në arrestimin e hajdutëve.

“Situata në të cilën ndodhemi, Veliaj do të shkojë para drejtësisë, dhe në burg. Me emisionin me RAI3 dhe Bild tregua fytyra e vërtetë e pushtetit të Ramës. Këta (policët) janë gardianë të Ramës. Se do shkonin të vinin të arrestonin grabitësit e parave.

Protesta e radhës do të mbahet në orën 10 para Kuvendit. Javën tjetër kemi protestën tjetër që do të jetë e 11 në radhë. Ne nuk tërhiqemi, do të vazhdojmë këtë kauzë. Nuk bëhet për politikë kjo kauzë. Ne nuk tërhiqemi pa çuar në burg hajdutët”, tha Këlliçi.