Boçi: Policët do të përdoren si mish për top, 3 muajt e verës 12 orë punë në ditë

Drejtoria e policisë i ka detyruar të gjithë efektivët të nënshkruajnë ‘pa bërë gëk-mëk’ një deklaratë sipas të cilës pranojë të punojnë 3 muajt e verës 12 orë në ditë, pa të drejtë ankimimi.

Sikur të ishin në gatishmëri, e cila në fund të fundit zgjat tre ditë dhe jo tre muaj.

Pse merret kjo masë?!

Turizmi siç justifikohet?!!

Tirana nuk është bregdet!

Po çfarë frike e detyron narkoshtetin tonë famoz t’i përdorë policët si ‘mish për top’ në mes të zhegut të verës?!!

Fushata e korrjes së kanabisit apo parafushata e ‘korrje-grabitjes’ së votave?!!!

Apo frika e pushtetit?!!

Ka shumë pikëpyetje.

Kjo deklaratë e detyruar është ligjërisht jo korrekte, moralisht e poshtër dhe politikisht provokuese.

Por frika e policëve është e madhe sepse refuzimi i nënshkrimit është baraz me largim nga puna.

Seriali Narcos në Shqipëri është i gjatë e vazhdon me shumë të panjohura, e vendi e roli i policisë është themelor. Ai kalon dhe NARCOS -in e Netflix.

Madje duke konkurruar nga serial-gjatësia me Skllavja Izaura-n e dikurshme.