Gazeta RD
Presidenti i Francës, Emmanuel Macron, ka bërë të ditur se po shpërndan Parlamentin dhe po bën thirrje për zgjedhje të reja në vend.
Kjo lëvizje e tij vjen pas humbjes së thellë të partisë që ai drejton në zgjedhjet për Parlamentin Europian, ku sipas sondazheve do të marrë rreth 15 % të votave, kundrejt 30 % të votave që rezulton të ketë marrë partia e ekstremit të djathtë të Marine Le Pen. Ai ka kërkuar që zgjedhjet parlamentare të mbahen më 30 qershor dhe 7 korrik.
Kujtojmë se sipas projeksioneve, këto zgjedhje për Parlamentin Europian kanë regjistruar një rritje të forcave të ekstremit të djathtë.
