Gazeta RD
Temperaturat e larta dhe era e fortë që ka përfshirë vendin ka përkeqësuar situatën e krijuar nga zjarret. Situata është problematike në Shëngjin, në zonën e Ranës së Hedhun, ku flakët kanë mbërritur deri në bregdet duke shkrumbuar edhe çadrat e shezlonet. Fatmirësisht, pushuesit janë larguar në kohë, ndërsa nuk raportohen për të lënduar. Situata është tejet e rënduar, teksa kërkohet me urgjencë ndërhyrja nga ajri pasi përmes tokës është e pamundur vënia nën kontroll e flakëve. Aktualisht, zona e përhapjes së zjarrit shtrihet në një vijë dhe sipërfaqe prej disa kilometrash, teksa qarkullimi nga Shëngjini për në Ranën e Hedhun është bllokuar nga ana e policisë së shtetit.
