Gazeta RD
Largimi i C.Ronaldo-s nga Man.United, për më tepër në atë formë, teksa u shpall i padëshiruar nga Erik Ten Hag, vijon të bëjë zhurmë. Për të ndezur edhe një herë polemikat ka menduar vetë CR7, i cili i është rikthyer aventurës së dytë në “Old Trafford” duke sulmuar edhe një herë hapur teknikun holandez.
Në një intervistë për kanalin zyrtar në youtube të Rio Ferdinand, Ronaldo nuk u kursye aspak: “Nëse je trajner i Mançester United nuk mund të thuash se nuk do të luftojmë për Premier League apo për Champions League. Mund të thuash: mbase nuk e kemi potencialin e duhur, por do ta provojmë, por nuk mund të futesh kurrë në garë i dorëzuar”, u shpreh Ronaldo ndër të tjera.
Deklarata e tij u bë menjëherë virale në mediat angleze: “Erik gaboi, Erik bëri gjithçka gabim”, ishin disa nga titujt kryesor.
