Një “grusht” i regjimit ky kundër parlamentarizmit si themel i demokracisë.

Një letër e Spiropalit në emër të regjimit, pa asnjë shpjegim a vendim kolegjial, e shpërndarë mbrëme vonë njofton se sot nuk do te zhvillohet seanca parlamentare.

Në Botën demokratike askush nuk do të guxonte të bënte një vepër të tillë anti kushtetuese e anti ligjore.

Përveçse kjo në tentativat për „grusht shteti“, marrje pushteti të Parlamenteve.

Shkelje e rëndë kjo e të drejtave parlamentare.

Edhe regjimet Lindore nuk guxojnë të bëjnë, se paku formalisht, je akt të tillë.

Kjo flet për “agoninë” që po kalon demokracia jonë.

Për denigrimin e thellë e nëpërkëmbjen e Parlamentit, ligjeve e Kushtetutës.

Për frikën e madhe që e ka kapur regjimin ndaj opozitës.

Ndaj fjalës së lirë, qoftë edhe në sallën e Parlamentit.

Kjo tregon se sa na ka larguar ky regjim prej demokracive të vërteta evropiane, shtetit ligjor, e baraz peshimit të pushteteve.

Se sa larg po na çon ky regjim drejt autokracive e diktaturave Lindore.

Model i vetëm e orientues ato, për autokracinë e Tiranës.

Rrezik tragjik ky për vendin e popullin tonë.

Rrezik që duhet përballuar tashmë pa asnjë hezitim.

Shqiptarët kanë pasur në shekuj e kanë të ruajtur thellë në “gene” aspiratën evropiane e Perëndimore, si të vetmen alternative mbijetuese.

Dhe do të dinë ta mbrojnë atë në përballje me këtë regjim obskurantist.

Rruge tjetër nuk ka!