Gazeta RD
Bashkëshortja e Ramës, Linda Rama ndërhyri në zgjedhjet Presideniale amerikabe duke dalë publikisht në mbështetje të Kamala Harris, kandidates demokrate për garën presidenciale në SHBA, në parathënien e botimit shqip të librit të Kamala Harris “Të vërtetat që mbartim”.
Promovimi I këtij libri nga Linda Rama është bërë disa ditë para datës së zgjedhjeve në SHBA me qëllim për të dërguar mesazh tek shqiptarët e Amerikës për të mbështetur Harris dhe jo Donald trump.
Mes rreshtave, dallohet admirimi me të cilin Linda Rama përshkruan kandidaten demokrate, që njihet gjerësisht si zv.presidentja e parë me ngjyrë në SHBA, por që mban mbi supe një karrierë të gjatë si prokurore e Kalifornisë.
“Ajo zgjodhi të refuzonte propozimin për të marrë postin e Prokurores së Përrgjithshme të Amerikës,-shkruan Linda Rama,- pasi, siç rrëfen autorja në libër, ajo kishte një punë që e dashuronte dhe ende pune që prisnin të kryheshin prej saj. Kush e lexon librin, prokurorin do ta donte si zonjën në këtë libër. Për ne shqiptarët, liria e njeriut është arritja e të giitha arritjeve në histori, e cila na bën pjesë të asaj pjese të botës së sotme, ku përtej sfidave e krizave të demokracisë, njerëzit janë të lirë dhe bashkëjetojnë në një rend ligjor që e garanton lirinë e tyre. Por na bën njëkohësisht edhe përgjegjës për të. I shkruar pikërisht me sytë e mendjes te liria, “Të vërtetat që mbartim” është një libër që i jep kohës së lirë mundësi për të reflektuar për lirinë në këtë kohë, duke kaluar përmes jetës dhe karrierës së një gruaje frymëzuese.”
