Si u arrestua dhe si paguhej 3 mijë euro në muaj nga vrasësi me pagesë  Prefekti i ri i Ramës në Fier

Kriminalizim në cdo struturë të regjimit.  Sot ministri i Brendshëm, ushtari i bandës së Troplinëve dhe Belinda Balluku kanë prezantuar në Fier Arben Çukon si Prefekt të ri të këtij qyteti, ndërkohë që Çuko është arrestuar 6 vite më parë ër lidhjet e tij me një vrasës me pagesë.

Policia tha atëhere se kishte ekzekutuar urdhërarrestin e Gjykatës së Krimeve të Rënda për ish-Drejtorin e Përgjithshëm të Burgjeve.

Prokuroria mësohet se e akuzoi Çukon si të përfshirë në korrupsion pasiv, gjatë kohës që ushtronte detyrën shtetërore.

Emri i Arben Çukos ka dalë rastësisht në muajin gusht gjatë përgjimit të anëtarëve të një bande që hetohej për trafik droge.

Nga përmbajtja e hetimeve ka rezultuar se ish-Drejtori i Përgjithshëm i Burgjeve kishte kryer favorizimin ndaj të dënuarit Olsi Karagjozi, një vrasës me pagesë që ndodhet në burgun e Bradasheshit në Elbasan.

Favorizimi është bërë në transferimin e tij në institucionet e burgjeve ku është bërë e mundur që i dënuari të mbajë celular në qeli kundrejt shumave të ryshfetit 1500-3000 euro.

Ekzekutimi i urdhrit të lëshuar nga Krimet e Rënda është bërë pasditen e së dielës, 21 tetor 2018.

Arben Çuko drejtoi burgjet për rreth një vit ndërsa u shkarkua nga detyra në datë 3 shtator të 2018 me urdhër të Ministres së Drejtësisë.