Anëtarët e opozitës duhet të jenë dy herë më shumë aktivë në rrjetet sociale

Kryetari i Partisë Demokratike, Sali Berisha ka kërkuar gjatë një konference për shtyp se, anëtarët e opozitës duhet të jenë minimumi, dy herë më aktivë seç janë në rrjetet sociale.

“Mendoj se anëtarët e opozitës duhet të jenë minimumi, dy herë më aktivë seç janë në rrjetet sociale. Çdo anëtar i opozitës që beson dhe aspiron fitoren e opozitës, duhet të fillojë ditën e punës, të mendojë për shprehjet e tij, të mendimeve, për publikimin e statusve të tjerëve që i pëlqejnë në rrjetet e veta sociale.

Nuk besoj se anëtarët e opozitës janë në nivelin ku duhet të jenë, por kanë çdo mundësi dhe, gjykoj unë, detyrim që të aktivizohen shumë më tepër në rrjetet sociale se sot”, tha Berisha.