Protesta e të martës, Berisha: Do të ketë zhvillime brenda e jashtë parlamentit

I pyetur nga gazetarët në lidhje me zhvillimet e ditës së martë, kur është thirrur protesta tek Parlamenti, lideri i opozitës Sali Berisha, tha se do të ketë mobilitet dhe se qëllimi i opozitës është miratimi i minimumit jetik prej 200 eurosh.

“Do të ketë mobilitet, brenda dhe jashtë parlamentit. Qëllimi ynë është të miratohet amendamenti që vendos minimumin jetik, 200 euro për çdo shqiptar që merr më pak se kaq, apo që nuk merr asgjë.

Pra ky është një hap i parë i një rëndësie jetike për të shuar, ulërimin e sirenave të mjerimit dhe varfërisë anë e kënd vendit. Natyrisht këto sirena ulërinë më shumë se kudo tjetër, tek pensionistët shqiptarë”, tha Berisha.