Gazeta RD
Matt Gaetz është emëruar Prokuror i Përgjithshëm nga Donald Trump, për administratën e tij të dytë. Gaetz ka qenë një mbështetës i zjarrtë i Trump gjatë fushatës dhe një emër jo pak i njohur.
Emërimi i tij si Prokuror i Përgjithshëm pritet të sjellë të reja në çështjen e McGonigal. Në vitin 2023, Gaetz asokohe kongresmen bashkë me Jim Jordan, kërkuan nisjen e hetimeve mbi çështjen dhe i drejtuan një letër drejtorit të FBI-së Christopher Wray, duke kërkuar dokumente dhe komunikime në lidhje me McGonigal, të tilla si historia e punës, vlerësimet e verifikimit të sigurisë dhe të tjera të ngjashme dokumentet.
“Komiteti për Gjyqësor po vazhdon të hetojë akuzat për politizim dhe njëanshmëri në Byronë Federale të Hetimeve (FBI). Vetëm javën e kaluar, me aktakuzën e ish-zyrtarit të lartë të FBI-së, Charles McGonigal, popullit amerikan iu kujtua sërish në dukje Probleme të përhapura brenda FBI-së Ne shkruajmë për të kërkuar material dhe informacion në lidhje me sjelljen e keqe të McGonigal”, thuhej në letrën e tyre.
Me vendosjen e tij në krye të Prokurorisë së Përgjithshme mbetet për t’u parë nëse Gaetz do të vijojë hetimin për McGonigal. Çështja tani është në duart e tij.
Hetimi nga Gaetz do të jetë një surprizë jo e këndshme për kryeministrin Edi Rama, duke njohur lidhjet e tij me ish-agjentin e FBI. Deri më tani dosja vijon të mbetet e kyçur në Prokurorinë e Posaçme dhe nuk ka pasur detaje përpos nisjes së hetimeve. SPAK u vu në lëvizje pas kërkesës së kreut të grupit parlamentar të PD, Gazment Bardhi.
Por, çfarë do të thotë kjo për dosjen shqiptare?
Në aktakuzën e McGonigal, Rama është përmendur plot 14 herë.
Një nga akuzat kryesore ndaj McGonigal është fshehja, falsifikimi dhe raportimi i rremë mbi takimet e tij me Kryeministrin Edi Rama. Në dy raste të ndryshme, McGonigal ka raportuar gënjeshtra në formularin e FBI-së mbi takimet me Edi Ramën, apo nuk e ka raportuar fare një takim të tillë.
Në takimin e parë, bashkë me kryeministrin Edi Rama ka qenë edhe Dorian Duçka. Aty McGonigal i shtyrë nga Agron Nezaj e nxiti kryeministrin Rama të mos japë një licensë për kërkimin e naftës në Shqipëri për një kompani ruse.
Duçka dhe Neza kishin interesa financiare mbi licensat e qeverisë shqiptare për kërkimin e naftës. Një muaj më pas, Mcgonigal gënjeu në formularin e FBI-së duke fshehur takimin me kryeministrin Edi Rama.
Rama përdori Mc Gonigal për të goditur opozitën shqiptare. Në këmbim të licencave të naftës, kryeministri i kërkoi nisjen e një hetimi për një rast lobimi.
“Më 25 nëntor 2017, McGonigal informoi Departamentin e Drejtësisë për një hetim të ri penal të mundshëm që përfshin një shtetas amerikan i cili ishte regjistruar për të kryer punë lobimi në Shtetet e Bashkuara në emër të një partie politike shqiptare të ndryshme nga ajo në të cilën Kryeministri ishte anëtar. Një ditë më parë, ai kishte marrë informacion nga Personi B për lobistin qytetar amerikan. I pandehuri McGonigal ia kaloi këtë informacion Departamentit të Drejtësisë”, thuhet në dosjen e Mc Gonigal.
