Gazeta RD
Anëtari i Kryesisë së PD, Çlirim Gjata, ka akuzuar institucionet e drejtësisë se janë nën urdhrat e regjimit të Ramës.
Gjata deklaron se Gjykata Kushtetuese tashmë është në presion për çështjen e Sky Encrochat, nëse përgjimet duhet të njihen si prova, pasi aty dalin emrat e shumë politikanëve.
Zyrtari i PD tha me ironi se i vetmi institucion i pavarur në vendin tonë është FSHF.
“Një i pandehur ka shkuar në Gjykatës Kushtetuese dhe nuk do që përgjimet e Sky Encrochat të merren si prova. Gjykata është në një presion të madh, pasi në Sky dhe Encrochat dalin të gjithë politikanët. I thanë gazetarit kush ta dha burimin. Kush i nxjerr të dhënat? SPAK i nxjerr kush i nxjerr. Të gjithë janë brenda. Përse nuk i heton SPAK? Këtu kanë marrë fund institucionet. Vetëm FSHF është e pavarur”, tha Gjata në “Off the Record”.
