Vokshi: Nuk do të ndalemi, mosbindja civile do të vijojë me të tjera forma

Deputetja e PD, Albana Vokshi ka paralajmëruar se protesta e 26 nëntorit nuk do të jetë e fundit nga opozita. Gjatë një prononcimi të shkurtër nga protesta që po zhvillohej, Vokthi tha se pas protestës së kësaj të marte, do të provohen të gjitha format e mosbindjes civile.

Sipas Vokshit, Policia është njoftuar për mbajtjen dhe kohëzgjatjen e protestës në Tiranë, por theksoi se pati një tentativë provokimi nga ana e efektivëvë kundër qytetarëve protestues.

“Do ketë shumë protesta të tjera pas kësaj, do të provojmë të gjitha format e mosbindjes civile. Lirimi i Berishës dhe udhqëheqësve të tjerë të opozitës, krijimi i kushteve për zgjedhje të lira e të ndershme dhe qeveri teknike, janë kërkesat tona deri sat ë plotësohen

Policia e ka marrë njoftimin në kohë dhe e kemi njoftuar sipas ligjit dhe pikat e bllokimit. Detyra e policisë është sigurimi i mbarëvajtjes së protestës dhe sigurinë e qytetarëve protestues.

Kishte tentativë për provokim nga policia dhe ata refuzuan të bisedonin me depdutetët. Qytetarët do rrinë këtu deri në 20.00 e s’kemi për të lëvizur”, tha Vokshi.