Gazeta RD
Aktivistja dhe Kryetarja e Komisionit të Apelimit në PD, Adriana Kalaja, e ka cilësuar lajm shumë të mirë lirimin e kryetarit të PD, Sali Berisha.
Duke folur për moderatoren Eneida Ndoci në Edicionin e Paradites në SYRI TV, Kalaja u shpreh se, kjo është një fitore shumë e madhe e demokratëve dhe PD.
“Ishte privim i padrejtë i lirisë, duke marrë në konsideratë që është një person që gëzon imunitet dhe ka një mandat që nuk ja ka dhënë SPAK dhe Gjykatat, por qytetarët.
Është një fitore shumë e madhe për të gjithë demokratët dhe PD-në, pasi jemi në prag të zgjedhjeve dhe nuk mund të bësh asnjë gjë, nëse kryetari yt është në arrest shtëpie.
Sot ndryshojnë gjërat, ndryshojnë për mirë, përveç faktit që siç e kemi deklaruar në 30 dhjetorin e 2023, dhe për pak vjen dhjetori i 2024 dhe kemi qëndruar në krah të tij, jo për individin Sali Berisha, por të gjithë kontributin e tij.
Ne gjithmonë e kemi çmuar që kjo nuk është betejë ndaj Sali Berishës, por ndaj PD-së, demokracisë dhe pluralizmit.
Ishin mësuar me një opozitë të kapur, të blerë dhe zgjimi i opozitës nga gjumi letargjik nga pazaret e pushtetit e nxori jashtë shinave regjimin”, tha Adriana Kalaja për SYRI TV.
