Gazeta RD
Kreu i grupit parlamentar të Partisë Demokratike, Gazmend Bardhi reagoi ndaj ministres së Ramës duke u shprehur se, shqiptarët nuk janë mësuar që të kërkojnë lëmoshë e nuk kërkojnë lëmoshë nga qeveria, por atë që ju u keni premtuar tash e 12 vite.
Bardhi tha se, shqiptarët kërkojnë atë që ju i keni premtuar tash e 12 vite e ju keni qëndruar peng me krahasimin e vitit 2013, duke nxjerr nga ekuacioni një të dhënë domethënëse, se sa janë rritur çmimet gjatë këtyre 12 viteve dhe se si jetoninin me aq të ardhura shqiptarët në 2013 e si jetojnë sot’- u shpreh Bardhi.
“Të nderuar kolegë e bashkëqytetarë, fillimisht një përgjigje për ministren e shëndetësisë që e kishte me shumë zell refuzimin e minimumit jetik, zonja ministre shqiptarët nuk janë mësuar që të kërkojnë lëmoshë e nuk kërkojnë lëmoshë nga qeveria e tyre.
Ata kërkojnë atë që ju i keni premtuar tash e 12 vite e ju kemi qëndruar peng me krahasimin e vitit 2013 duke nxjerr nga ekuacioni një të dhënë domethënëse, se sa janë rritur çmimet gjatë këtyre 12 viteve dhe se si jetoninin me aq të ardhura shqiptarët në 2013 e si jetojnë sot.
Ju i thoni pensionistëve se nuk ka nevojë që të jua rrisin pensionet, do duhet të jenë njëjtë si në vitin 2013, por ju keni harruar se pensionistëve e çdo shqiptari i keni dyfishuar çmimin e energjisë elektike, të ujit të pijshëm, çdo shërbim që marrin dhe e kanë të domosdoshëm për jetësën.
Ju i thoni pensionistëve se nuk ka nevojë për rritje minimum jetik, por harroni që me firmën tuaj si ministre shëndetësi e keni ndryshuar listën e barnave dhe sot ata kanë shpenzime të shtuara për ilaçe e ju sot duhet të jepni përgjigje përse e keni bërë këtë”, tha Bardhi.
