Gazeta RD
Jamarbër Malltezi reagoi me ironi pasi gjykatësja me 3 mbiemra, Irena Gjoka publikoi vendimin e saj 3 ditë pas kërkesës së Prokurorisë së Posaçme.
“’Afërmendsh’-llëqet e me-nder këtyre të luftës së klasave”, shkruan Malltezi.
Vendimi është plot 200 faqe.
Sipas Malltezit, kjo mund të ndodhë vetëm në rast se gjykata thjesht ka kopjuar kërkesën e prokurorisë.
“Irena me 3 mbiemra pas 3 ditësh nga kërkesa e prokurorëve, ka nxjerrë vendim 200 faqesh. A mundet të lexojë kërkesë 150 faqe, 42 fashikuj me 20 mijë faqe, t’i verifikojë dhe të shkruajë 200 faqe vendim gjyqësor në vetëm 3 ditë?
Standardi gjerman për të lexuarit me kuptim (për të vlerësuar) diku mes 80-100 faqe në ditë. Standardi i OKB për daktilografistët ka qenë rreth 40-50 faqe në ditë! Veç për ta shtypur do duheshin 4-5 ditë!
Kjo mund të ndodhë vetëm pas një komunikimi të njëanshëm, ekstraproporcional të informacioneve gjykatës-prokuror, dhe vetëm në rast se gjykata nuk ka kryer gjë tjetër veç kopjimit të kërkesës së prokurorisë”, shkruan Malltezi.
