Gazeta RD
Kreu i Grupit Parlamentar të PD, njëherazi edhe drejtuesi politik i Qarkut Fier, Gazment Bardhi, ka denoncuar zëvendëskryeministren Belinda Balluku se ka grabitur 5 milionë euro me vetëm një firmë.
‘Vetëm me firmën e Belinda Ballukut mund të ndodhë që një projekt, i cili, kur ndërtohet nga shteti, nga KESH-i, kushton 8 milionë euro dhe kur ndërtohet nga private kushton 3 milionë euro!’, shkruan Bardhi në Facebook.
Postimi i Bardhit
Shqipëria ka çmimin më të lartë të energjisë elektrike në Rajon, sepse paratë e qytetarëve abuzohen/vidhen në mënyrën më skandaloze të mundshme. Vetëm me firmën e Belinda Ballukut mund të ndodhë që një projekt, i cili, kur ndërtohet nga shteti, nga KESH-i, kushton 8 milionë euro dhe kur ndërtohet nga private kushton 3 milionë euro! Çfarë duhet të ndodh më shumë që të mbahet përgjegjësi përpara ligjit për një abuzim?!
