Berisha: Shqiptarët jashtë vendit mezi presin të firmosin me votën e tyre rrëzimin e kësaj diktature

Lideri i opozitës, Sali Berisha ka theksuar angazhimin e Partisë Demokratike për votën e diasporës, duke treguar se kanë organizuar një sërë takimesh në shtetet ku jetojnë shqiptarët, si Itali, Greqi, SHBA dhe Britania e Madhe.

“Për votën e diasporës, nuk kam statistika.

Por çfarë kemi bërë ne?

Ne kemi organizuar një seri takimesh në Itali, Greqi, SHBA, Britaninë e Madhe.

Dhe ne vazhdojmë takimet, natyrisht jo në salla luksoze sepse, thashë ne nuk kemi, me të ardhurat tona modeste, por atmosfera është e shkëlqyer.

Kemi një atmosferë jashtëzakonisht optimiste nga shqiptarët jashtë vendit që mezi presin të firmosin me votën e tyre rrëzimin e kësaj diktature droge”, tha Berisha.