Gazeta RD
Kryetari i PD, Sali Berisha ka publikuar një denoncim që i ka mbërritur nga një qytetar në lidhje me shërbimin në Urgjencën e re në Qendrën Spitalore Universitare Nënë Tereza.
Sipas qytetarit, ai ka shkuar me vajzën e tij në Urgjencën e re në QSUT, por nuk është pranuar me pretekstin se duhet të shkojnë Urgjenca e Infektivit. Ndërsa në fund ka përfunduar në një spital privat.
Po ashtu më tej qytetari denoncon se në Urgjencën e re, pacientët pranohen me me mik.
“Morëm një të afërme infermjere në telefon dhe na tha se tek Urgjenca e re i pranojnë vetëm me mik, prandaj hajdeni nesër se e rregullojmë”, deklaron ai.
Postimi i Berishës
Urgjenca me mik! Akt i padëgjuar!
Lexoni denoncimin e qytetarit dixhital.
Miredita dr. Shkova mbrëmë në urgjencë me vajzën tek Urgjenca e re 6 katëshe në QSUT dhe nuk na pranuan. Këtu janë të sëmurët me zemër, na thanë, prandaj shkoni tek Urgjenca e Infektivit. Gruaja pati frikë për tek Infektivi dhe u detyruam të shkojmë në privat. Morëm një të afërme infermjere në telefon dhe na tha se tek Urgjenca e re i pranojnë vetëm me mik, prandaj hajdeni nesër se e rregullojmë. Siç shihet, nuk ka Urgjencë në fakt që u reklamua aq shumë dhe njerëzit sillen sa andej-këtej. Kjo është shëndetësia falas e Ramës që i detyron njerëzit përmes presionesh, as të mos hapin gojë.
