Si Nuredini pagoi me 40 mijë euro ministrin dhe deputetin e Ramës për të dalë nga burgu, mjeku…

Në seancën e sotme gjyqësore, ai rrëfeu se një herë doli nga burgu duke dhënë para.

Nuredin Dumani përmendi edhe emrin e ish-ministrit Nasip Naço në këtë çështje.

Dhëndri i vëllait të Naços, sipas Dumanit, ishte mjek. Ai i ka dhënë mjekut shumën prej 40 mijë eurosh përmes avokatit të tij, Alban Bengasi.

Përmes firmës së mjekut, i cili ka lidhje familjare me kreun aktual të Komisionit të Sigurisë, Dumani doli nga qelia.

Nuredin Dumani shtoi se raporti mjekësor u firmos me pretekstin se ishte gati për të vdekur pasi vuante nga zemra.

Deri më tani Nuredin Dumani ka rrëfyer të paktën 12 vrasje dhe dhjetëra krime të tjera që prej të paktën 10 vitesh ishin një mister për policinë.

Nasipi distancohet nga akuzat!

Ish-ministri i Drejtësisë, Nasip Naço u përmend në gjykatë gjatë dëshmisë që dha aty vrasësi me pagesë, Nuredin Dumani. Sipas Dumanit, ai ishte arrestuar për disa krime të tij, por kishte shpëtuar nga gjykimi falë ndihmës që i kishte dhënë dhëndri i vëllait të Nasip Naços, të cilin e kishte paguar 40 mijë euro.

Nasip Naço është distancuar nga kjo dëshmi dhe ka thënë se çdo person i implikuar duhet të dënohet.