Të shtëna me armë në një shkollë në Suedi, 10 të vdekur dhe 15 të plagosur

Një ngjarje e rëndë tronditi Suedinë pasditen e kësaj të marte, 4 shkurt 2025. 10 të vdekur dhe rreth 15 të plagosur është bilanci i ngarjes së regjistruar në shkollën Risbergska në Orebro.

Gjithashtu, raportohet se është vrarë edhe autori i kësaj ngjarje. Ai ka qëlluar veten me një plumb në kokë, raportojnë mediat.

Edhe policia e Orebro ka thënë se një prej viktimave mund të jetë edhe autori. Autoritetet dyshojnë se kanë të bëjnë me më shumë se 1 autor që kanë përgatitur dhe ndihmuar për krimin e sotëm.

Policia është në procesin e identifikimit të të vdekurve dhe nuk po jep asnjë detaj për viktimat, thotë Roberto Eid Forest, shefi i qarkut të policisë në Örebro.

Autoritetet për momentin nuk mund të japin numrin e saktë të të lënduarve.

Sakaq, spitali në Örebro është në gjendje emergjence dhe të paktën katër persona i janë nënshtruar operacionit dhe gjendja e tyre është e qëndrueshme.