Kalaja: Veliaj edhe pas hekurave manipulon provat dhe intimidon dëshmitarët!

Një ngjarje e pazakontë ka ndodhur gjatë ditës së djeshme përpara ambienteve të Bashkisë së Tiranës, teksa kamioni i mirëmbjatjes së objekteve publike ka marrë qindra dosje nga ky intitucion vendor me qëllim asgjësimin e tyre.

Kryetarja e Komisionit të Apelimit në PD, Adriana Kalaja, e cila ka ndjekur nga afër ngarkimin e dokumenteve, tha në një intervistë në Syri Tv se, janë tendera të firmosura nga Bashkia e Tiranës, për të cilat thotë se ka njoftuar drejtuesin e SPAK, Altin Dumani dhe prokurorin e dosjes së Erion Veliajt.

Kalaja tha më tej se, kutitë duhet të ishin të vulosura me numër rendor, kush na siguron ne që gjatë rrugës meqenëse aty kishte tre punonjës brenda nuk janë hequr dokumenta të ndryshme duke u zëvendësuar me të tjera.

“Ka një ligj për administrimit e dokumentave, ka dhe një ligj tjetër për arkivat dhe janë të përcaktuara modalitetet se si dalin jashtë një funksioni për të ju drejtuar  arkivës apo një institucioni tjetër dokumentat.

Kutitë duhet të ishin të vulosura me numër rendor, kush na siguron ne që gjatë rrugës meqenëse aty kishte tre punonjës brenda nuk janë hequr dokumenta të ndryshme duke u zëvendësuar me të tjera.

Kjo është sot edhe dje, por sot sidomos në dorë të prokurorëve të çështjes duke filluar që nga Olsi Dado dhe Altin Dumani që e kanë çështjen aktuale për të cilën Velaij është pas hekurave dhe konfirmon edhe një herë se sa e nevojshme ka qenë masa e arrestit.

Çdo ditë që kalon Veliaj duhet të kalojë në sistemin 41Biss, sepse ju e shikoni vetë se sa i rrezikshëm është për fshehje dhe manipulimin apo zhdukjen e provave apo intimidimin e provave.

Këto pamje duhet t’i administojë organi i akuzës SPAK dhe këto pamje vërtetojnë qartazi që aty nuk kemi të bëjmë me një transferim nga poshtë, por me fshehje provash dhe  kush fshihet pas kësaj?

Punëtorët e ngarkim-shkarkimit? Jo, sepse ata punëtorë janë.

Çfarë punë ka makina e mirëmbajtjes me bashkinë e Tiranës, në aspektin e transferimit të dosjeve dhe aqmë shumë nëse ata do ishin në punën e tyre do bënin diçka ligjore, pra mund të dilnin e të  informonin gazetarët që ishin jashtë lidhur me këtë transferim”, tha Kalaja.