Gjyqtari i Fatmir Xhafajt që do të lirojë Veliajn nga qelia të martën

Arben SHAHINI

Apeli i Gjykatës së Posaçme ka regjistruar kërkesën e ankimimit të avokatëve të  Erion Veliaj dhe 4 personave të tjerë nën hetim për ndryshimin e masës së sigurisë.

Në një njoftim të Apelit të GJKKO bëhet me dije se shorti është hedhur më datë 04.03.2025 regjistrimi, mbi ankimet e personave nën hetim E.V., E.A., M.P., Sh.F., G.S., me objekt: “Ankim ndaj vendimit nr. 7, datë 09.02.02025 dhe vendimit nr. 14, datë 12.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal.

Sipas shortit, trupi gjykues monokratik përbëhet nga gjyqtari Engert Pëllumbi.

Ergert Pëllumbi është një gyqtar i promovuar direkt nga Fatmir Xhafaj dhe po të shikosh historikun e vendimeve të tij mbi personazhe të politikës e kupton qartë se si është përdorur ky gjyqtar ndaj armiqve politik të Xhafajt.

Kujtojmë rastin e Tahirit. Dihej që Tahiri dhe Xhafaj kishin një pëplasje të hapur brenda PS. Gjyqtari që dha vendimin e dënimit të Tahirit ishte pikërisht Ergert Pëllumbi duke i hequr kështu një telash, Fatmir Xhafajt.

Po ky gjyqtar Engert Pëllumbi vendosi ndaj Berishës masën detyrim paraqitjeje 2 herë në muaj para SPAK në një kohë që një tjetër gjykatëse kishte rrëzuar të gjitha masat kufizuese ndaj Berishës.

Pëllumbi është nipi i Bujar Himcit, një nga prokurorët e komunizmit, i cili po ashtu u emërua zv.ministër i Brendshëm i Partisë Socialiste.

Ergert Pëllumbi do të gjykojë të martën me 11 mars masën ndaj Veliajt. Ky gjyqtar i provuar për vendimet e tij politike komandohet direkt nga Fatmir Xhafaj. Xhafaj ka një lidhje të ngushtë me Veliajn dhe është shprehur kundër masës së arrestit ndaj tij.

Burimet e informacionit shprehen se gjyqtari Pëllumbi do të zbatojë një tjetër vendim të Fatmir Xhafajt për ta liruar nga qelia Veliajn në një masë më të lehtë sigurie.