Gazeta RD
Kandidati për deputet i PD për Qarkun e Tiranës, Salvador Kaçaj tha se, kryeministri Edi Rama ka përvetësuar të gjitha fushat me të cilat funksionon sporti në vend.
Kaçaj theksoi se sponsorat kryesor për sportin në çdo vend janë lojërat e fatit, pasi sipas tij, Rama i mban të mbyllura ato që të përfitojë për interesat e tij personale.
“Ky është një takim shumë i rëndësishme sepse sporti në Shqipëri është lënë pas dore. Dua të them dy tre gjëra pikante. Kryeministri ynë siç e shihni e ka përvetësuar edhe fanellën e kombëtares është dhe trajneri i kombëtares, pra në të gjitha fushat i ka marrë ai atributet. Do t’ju them vetëm një fakt të tmerrshëm, buxheti për sportin për 2025 është 1.6 milionë euro.
Një tur çiklistik që do të vijë nga Italia ka planifikuar 7 milionë euro. Shikoni po ti referohemi këtij fakti është një akt korruptiv, japin 7 milionë euro për disa hajdutë që vijnë nga Italia dhe 1.6 milionë euro është buxheti për 2025. Për sa i përket ligjit për sportin dua t’ju sjell në vëmendje, Kosova ka kopjuar Gjermaninë dhe sponsorizimi i kompanive private është 40% ulje e taksave.
Ajo që është dhe që ta kemi dhe ne në qeverisjen e PD dhe të z.Berisha ta kemi dhe ne. Është që në gjithë botën sponsorizimi bazohet nga lojërat e fatit. Z.Berisha ky ka 10 vite që thotë do jap licensa dhe nuk i jep sepse i ka për veten e vet. Ndërsa ai i ka vetë sepse i ka marrë në dorë të gjitha lojërat e fatit.” tha Kaçaj.
