Gazeta RD
Kryetari i PD, Sali Berisha gjatë takimit me banorët e Borshit është ndalur edhe një herë tek deklarata e Ramës për videot nudo të tij. ai tha se, Edi Rama përpiqet me çdo kusht të shndërrojë fushatën e tij në një parodi.
“Pasi përpiqet me çdo kusht të shndërrojë fushatën e tij në një parodi, pastaj bën viktimën. Ke parë, më shajnë kështu, më thonë dhe për fëmijët këto, the ato.
Atëherë zotëri, nëqoftëse bën thirrje publike në TV që të shikoni videot e nudove të mia, atëherë njofto televizionet që të vënë pullën e kuqe.
Njofto televizionet që të vënë pullën e kuqe se unë kam këtë fjalor.
Kështu që fushata e tij është parodi.
Tani thotë lavdi hajdutëve të mi. Me Saimir Tahirin, me Krifcën, me Lubinë, me Erion Veliajn se këta janë bërë një tabor.
Dhe tani krenari…
Ta dini një gjë, po vodhi ministri, kurrë nuk mund të vjedhë pa e kapur kryeministri. Kryeministri ka një detyrë, që të mbikëqyrë funksionimin e qeverisë.
Po ata kanë vjedhur sepse vidhte ky.
Shembull, djegësi i Tiranës nuk ekziston. Lubi Balluku me ligj dhe kontratë ka pasur një drejtori që të mbikëqyrte punimet e djegësit të Tiranës. Për të raportuar çdo muaj situacionet e ndërtimit të tij. Asnjë raport, asnjë situacion. Asnjë vit, as tre vite, as pesë vite, as gjashtë vite.
Pse? Sepse ajo e dinte se paratë i merrte Edi Rama. I merrte burreci dy metra i gjatë.
Kështu që pas 6 vitesh aty nuk ka një tullë, 130 milionë euro të taksave tuaja janë zhdukur.
Po kështu 120 milionë euro Beketi.
Po kështu 100 milionë euro checkupi i Vilma Nushit.
Ai përpiqet këto t’i kalojë me batuta. Të sëmurët vdesin në spital për ilaçe, ai e kalon me një batutë.
E gjitha kjo është përpjekja e një njeriu të marrë fund që përpiqet të mbijetojë me çdo kusht me një propagandë vulgare në të cilën e vërteta është se i fyen shqiptarët.
Se ai i merr ata sikur këta e hanë sapunin për djathë, sikur mund t’i mashtrojë me këto që thotë, ndërkohë që u ka përzënë nga shtëpitë gjysmën e familjes.
I ka përzënë jashtë për varfëri, për pasiguri pune, për varfëri.
Ndaj dhe kjo fushatë është vendimtare.
Të ndahemi nga kjo e keqe. Unë e thashë edhe në Himarë se askush më shumë se banorët e Bregut nuk kanë ditur t’i qëndrojnë fuqishëm të keqes.
Dhe unë kam besim se Borshi dhe i gjithë Bregu dhe gjithë Shqipëria më 11 Maj do votojnë për atë projekt, i cili paraqet një mundësi të re për çdo shqiptar.
Për çdo të ri që të ndërtojë ëndrrën në Shqipëri.
Për çdo pensionist të jetojë më me dinjitet.
Për çdo fermer të ketë sukses në fermën e tij.
Për çdo biznes të zgjerojë biznesin e tij.
Pra për Shqipërinë në tërësi të ngrihet në lartësinë e potencialeve të saj të një Shqipërie Madhështore”, u shpreh Berisha.
