Gazeta RD
Telnis SKUQI
Ambasada Shqiptare në Athinë, duke shpërndarë njoftime për votuesit shqiptarë në Greqi, ka shkelur në mënyrë të qartë kompetencat e saj ligjore.
Sipas ligjit shqiptar për zgjedhjet dhe procesin e votimit jashtë shtetit, çdo qytetar shqiptar që jeton jashtë vendit ka aplikuar dhe është regjistruar si individ pranë Komisionit Qendror të Zgjedhjeve (KQZ), duke pasur një procedurë të përcaktuar qartë dhe të sigurt për regjistrimin e votuesve.
Ambasada, në përputhje me ligjin, nuk ka asnjë kompetencë për të shpërndarë njoftime në emër të KQZ-së dhe nuk mund të ketë asnjë ndikim në procesin e regjistrimit dhe informimit të votuesve. Shpërndarja e njoftimeve nga Ambasada Shqiptare në Athinë është një ndërhyrje e papranueshme dhe një shkelje e drejtave të individëve, duke kaluar përtej kufijve të funksionit të saj administrativ.
Një aspekt thelbësor i procesit zgjedhor është garantimi i fshehtësisë së votës dhe mbrojtja e të drejtave të individëve, dhe ambasada, duke shpërndarë njoftime, ka krijuar një situatë të pasigurt për votuesit.
Ky veprim përbën një shkelje të procedurave të përcaktuara nga KQZ dhe është një përpjekje për të ndërhyrë në një proces që, për sa i përket regjistrimit dhe shpërndarjes së informacionit, është ekskluzivisht përgjegjësi e Komisionit Qendror të Zgjedhjeve, dhe jo e institucioneve diplomatike.
Në përputhje me ligjin, çdo votues ka katër ditë kohë në dispozicion për të vendosur për ke do të votojë dhe për të realizuar veprimin e tij zgjedhor. Ky afat është parashikuar për të siguruar që qytetarët të kenë mjaftueshëm kohë për të reflektuar dhe për të bërë zgjedhjen e duhur, pa asnjë ndërhyrje të jashtme.
Shpërndarja e njoftimeve nga ana e ambasadës, që mund të ndikojë në këtë proces, është një shkelje e drejtësisë dhe fshehtësisë së votës, dhe nuk mund të lejohen ndërhyrje të tjera që cënojnë këtë periudhë të përcaktuar.
Për më tepër, çdo qytetar shqiptar jashtë shtetit është regjistruar automatikisht në listat zgjedhore dhe duhet të merr informacionin përmes kanaleve zyrtare të KQZ-së, të cilat janë të dedikuara për të siguruar një proces të pastër dhe të drejtë zgjedhor, pa asnjë ndërhyrje të jashtme. Ky veprim nga Ambasada Shqiptare në Athinë është një ndërhyrje tërësisht të papërshtatshme dhe një përpjekje për të sfiduar procesin e rregullt të votimit.
Duhet të jetë e qartë për të gjithë qytetarët shqiptarë se, për sa i përket regjistrimit dhe shpërndarjes së njoftimeve për votimin, ky është një kompetencë ekskluzive e KQZ-së, dhe jo e asnjë strukture tjetër. Përfundimisht,
Ambasada Shqiptare në Athinë duhet të ndalë menjëherë çdo ndërhyrje në këtë proces dhe të respektojë në mënyrë të plotë kompetencat dhe përgjegjësitë që i takojnë institucionet përkatëse të zgjedhjeve. Votuesit duhet të kenë mundësinë të informohen vetëm nga KQZ-ja dhe të kenë besim në një proces të paanshëm dhe të sigurt.
