Berisha në Leaders’ Dinner të PPE, pas një dite të parë të suksesshme të Kongresit në València

Në mbrëmjen e djeshme, në përmbyllje të një dite të parë shumë të suksesshme të Kongresit të Partisë Popullore Europiane (EPP), lideri i Partisë Demokratike, z. Sali Berisha, mori pjesë në Leaders’ Dinner, të organizuar në Palacio de la Exposición në zemër të Valencias.

Takimi mblodhi krerët e partive të qendrës së djathtë nga e gjithë Europa, në një ambient të rezervuar për diskutime të nivelit të lartë, larg kamerave dhe zhurmës mediatike. Pjesëmarrja e z. Berisha në këtë tryezë përfaqëson jo vetëm rikthimin e së djathtës shqiptare në një pozicion të merituar brenda familjes europiane konservatore, por edhe një mesazh të qartë për rolin e Partisë Demokratike si pjesë aktive e të ardhmes së përbashkët europiane.

Përpara darkës, u realizuan edhe fotografi zyrtare me liderët e EPP-së.