Gazeta RD
Ish-keshilltari i Ramës për “reformat e tregut të lirë” në vitin 2014, Mikheil Saakashvili u dënua dje me nëntë ite të tjera burg të mërkurën pasi u shpall fajtor për përvetësim.
Saakashvili, i cili ishte president nga viti 2004 deri në vitin 2013, u dënua me gjashtë vjet burg për shpërdorim të pushtetit kur u kthye në Gjeorgji në vitin 2021 pas një qëndrimi jashtë vendit. Një pjesë të madhe të atij dënimi e kaloi në spitalin e burgut.
Televizioni gjeorgjian shfaqi skena trazirash në sallën e gjyqit pas shpalljes së vendimit, ku mbështetësit e Saakashvilit e quanin gjyqtarin “skllav” të qeverisë aktuale.
Një figurë thellësisht polarizuese në Gjeorgjinë e sotme, Saakashvili erdhi në pushtet në Revolucionin e Trëndafilave të vitit 2003.
Në pushtet, ai e riorientoi Gjeorgjinë drejt Perëndimit dhe filloi një program ambicioz reformash të sektorit publik që çoi në përmirësime të shpejta në vendin e Kaukazit Jugor me 3.7 milionë banorë.
Megjithatë, pjesa e dytë e mandatit të tij u shënua nga autoritarizmi, brutaliteti policor dhe lufta katastrofike me Rusinë në 2008.
Në vitin 2012, partia e tij Lëvizja e Bashkuar Kombëtare humbi zgjedhjet ndaj një koalicioni të udhëhequr nga Bidzina Ivanishvili , një biznesmen miliarder që mbetet lider de facto i Gjeorgjisë edhe sot e kësaj dite.
