Kreu i Sindikatës së Minatorëve: Votoni Sali Berishën dhe PD për një Shqipëri më të drejtë dhe më të zhvilluar!

Në takimin e kryetarit të PD, Sali Berisha me qytetarët në Burrel, kryetari i Sindikatës së Minatorëve, Gëzim Kalaja ka mbajtur një fjalim të fuqishëm.

Kalaja tha se, në 12 maj, Berisha do të shpallet Kryeministër i Shqipërisë dhe kjo do të ndodhë pas një angazhimi të fortë dhe të palodhur për të miratuar statusin e minatorëve, një premtim që kryeministri aktual, Edi Rama, e refuzoi.

Gëzim Kalaja ka bërë thirrje të fortë për minatorët dhe gjithë qytetarët që të votojnë Sali Berishën dhe Partinë Demokratike, duke theksuar rëndësinë e kësaj marrëveshjeje dhe angazhimin për një Shqipëri më të drejtë dhe më të zhvilluar.

“Sot, si 33 vjet më parë, nga Ballkoni i Minierës së Valiasit, ne shpallëm Berishën si Kryetarin e parë të shtetit shqiptar pas Revolucionit të 1990-ës. Sot, ne e shpallim përsëri në këtë shesh, në të gjithë territorin shqiptar dhe në diasporë, se më 12 maj, Berisha do të zgjedhet Kryeministër i Shqipërisë.

Jam këtu sot për t’i informuar të gjithë minatorët e Vatrës, Krastës, Thekës, Klosit, Çernicës, Kalimashit dhe të gjithë vendit se në prill është nënshkruar me Kryeministrinë e Shqipërisë një marrëveshje, sipas së cilës, brenda 100 ditëve të tij të para si Kryeministër, do të miratohet statusi i minatorëve, që Rama e refuzoi.

Sot, në këtë tubim, i bëj thirrje të gjithë minatorëve të votojnë Sali Berishën. Për ta bërë të vërtetë këtë marrëveshje, e kam sot me vete dokumentin ku është firma e Berishës dhe firmat e Sindikatës së Minatorëve. Prandaj, sot, jo vetëm arsimi, shëndetësia, minatorët, por gjithë populli duhet të votojë për PD-në e Shqipërisë, sepse flamuri për ne është Profesori Doktor Berisha.

Ju uroj të gjithëve fitore!”, tha Kalaja.