Gazeta RD
Kryetari i PD, Sali Berisha ka publikuar videon denoncuese në profilin e tij në Facebook, ku tregohet se si qytetarët votues në zonën e Kamzës u përballën me dhunë dhe presion nga patronazhistët e Partisë Socialiste. Ngjarja ka ndodhur pranë qendrës së votimit “Kopshti i vjetër”.
Në video tregohet një qytetar që po filmonte aktivitetet e dyshimta të patronazhistëve është dhunuar nga persona të lidhur me PS, të cilët pasi janë kapur në flagrancë, kanë kaluar në veprime agresive. Në video shfaqet edhe një i ri me makinë, që përpiqet ta intimidojë denoncuesin që të mos regjistrojë skenën.
Një nga personat e përfshirë është identifikuar si Rajmonda Leçka, sekretare e kryetarit të Bashkisë Kamëz, Rakip Suli. Ajo dëgjohet duke kërcënuar: “Ik se të zhduka fare. Plehër!” dhe shoqërohet nga një punonjëse e policisë bashkiake.
Berisha e ka shoqëruar postimin me diçiturën: “Patronazhistët, kriminelë elektoralë!”
