Himçi: Lekë, euro, paund, karta dhe dokumente së bashku, këto janë pjesë e krimit elektoral në Elbasan

Kreu i PD Elbasan, Blendi Himçi hodhi dritë mbi një tjetër rast të rëndë që, sipas tij, përbën provë të qartë të manipulimeve zgjedhore në Elbasan.

Ai u shpreh se në një nga lokalet e zonës janë gjetur lekë, euro, paund, karta identiteti dhe dokumente të tjera, të cilat përbëjnë pjesë të një skeme të dyshuar për krim elektoral.

Sipas Himçit, prania e shumave të ndryshme të valutave të huaja së bashku me dokumente personale në banakun e një lokali nuk ka asnjë shpjegim logjik përveçse si një pjesë e operacioneve për blerje votash.

“Faktikisht, kemi thërritur policinë e shtetit, drejtuesin e prokurorisë së Elbasanit, në lidhje me rastin në fjalë dhe kanë qenë të pranishëm policia e cila ka vepruar konform rregullave dhe kanë konstatuar siç e shikoni edhe lek të gjetura në banak, të cilit ishin lek, euro dhe paund.

Po ta shikoni janë pjesë e krimit elektoral, sepse nuk ka kuptim që të qëndrojnë euro, paundë dhe lek në të njëjtën kohë në barin e një lokali.

Këto janë ditën e sotme të konstatuar nga policia.

Aty ka karta identiteti, patenta dhe dy dokumente të cilat nuk mund të sqaroj më konkretisht se janë pjesë e sekretit hetimor.

Në pritshmëritë e personit për të provuar firmosjen, për të mësuar se si votohet, por nuk deklaron nëse janë fletë votimi të vlefshme, të printuara apo false. Nuk jep sqarim”, tha Himçi.