Gazeta RD
Përplasjet mes grupeve kriminale brenda mazhorancës në Durrës kanë cuar në dhunimin e ish-kryebashkiakut të Durrësit, Dako sipas dyshimeve të ngritura për këtë ngjarje nga Kryetari i PD, Sali Berisha.
Sali Berisha, i ftuar në studion e “Debat” nga Alba Alishani, në A2 CNN, deklaroi se “Ben Qimja ka ndihmuar Zegjinenë në Fier”.
“Ben Qimen e vunë në kërkim me kusht që të ndihmonte Zegjinenë”, tha kreu i Partisë Demokratike.
Më pas, Sali Berisha kaloi në Elbasan: “Suel Çela, pasi futi Adi Qosen në listë të mbyllur, i tha Ramës që Sara Milen ta vendoste në listë të hapur se e nxirrte ai. Si e nxori? Me policinë në fushatë. Shefi i komisariatit të Prrenjasit i ka marrë një nga një qytetarët, duke i thënë se duhet të votojnë Sara Milen”.
“Në Kavajë, karteli Troplini dhe Shyti në qendrën e numërimit sepse mbështesnin kandidatë të ndryshëm. Në Elbasan ia thyen kockat ish-shoferit të Taulant Ballës sepse nuk po mbështeste Sarën, por një kandidate tjetër. Besa Spaho, nënkryetarja e Korçës, e mbrojtur nga Suel Çela. Çfarë donte ai në Korçë? Ergys Agasi i kishte dhënë Korçën. Sot ky njeri është zhdukur, thuhet që kanë rrahur Gjushin para 4 ditësh. Gjoja në kërkim, por portin e kanë prapë ata”, shtoi Berisha.
